Увечары 9 ліпеня на пінскім стадыёне прайшоў чарговы матч першай лігі, у якім «Асіповічы» пацярпелі буйную паразу з лікам 1:8.
Значную частку галоў каманда прапусціла яшчэ ў першым тайме, на 25, 28, 32, 35 і 46 хвілінах. Першы мяч ў сваю ж браму забіў гулец «Асіповічаў» Нікіта Кухцік, за гаспадароў адзначыліся Максім Чыж, Дзмітрый Градабоеў (з пенальці) і двойчы Ілля Сень.
У другой палове «Хваля» працягнула памнажаць свой поспех: Сень забіў яшчэ 3 мячы на 55, 61 і 74 хвілінах і аформіў пента-трык. «Асіповічы» здолелі адказаць супернікам толькі адным голам на 71 хвіліне, які ўжо пры ліку 0:7 забіў Ягор Бабіч з перадачы Аляксея Маліноўскага.
Пасля 10 гульняў асіповіцкая каманда з 5 баламі застаецца на перадапошнім 12 месцы (1 перамога, 2 нічыіх, 7 паразаў).
Чытайце навіны Асіповічаў :
