Пад Асіповічамі нецвярозая дзяўчына танула на рацэ. Яе выратавалі

Выпадак адбыўся ў нядзелю 9 ліпеня каля 5:30 у вёсцы Цяплухі, паведаміла МНС.

Здымак размешчаны ў якасці ілюстрацыі

Дзяўчына 2002 году нараджэння адпачывала з кампаніяй на рацэ Свіслач і вырашыла выкупацца, знаходзячыся ў нецвярозым выглядзе. Яна заплыла далёка, не разлічыла сіл і пачала сыходзіць пад ваду. Гэта заўважылі водныя ратавальнікі і паспелі яе выратаваць, пасля чаго даставілі на бераг на катэры.

Дзяўчыне не спатрэбілася меддапамога, з ёй правялі гутарку аб правілах паводзін на вадзе.

Падпішыцеся на тэлеграм-канал пра Асіповічы: